Fasteignafélagið Þórkatla hefur ákveðið að framlengja með óbreyttum hætti fyrirliggjandi gistiviðauka við hollvinasamninga um þrjá mánuði eða til 31. janúar næstkomandi. Tæplega 300 Grindvíkingar eru með virkan hollvinasamning og af þeim eru um 175 með gistiviðauka við hollvinasamning.

Endurkaupaáætlun kynnt á næstu vikum

Félagið hefur að undanförnu átt í samtali við yfirvöld um útfærslu á tilteknum lagabreytingum til að tryggja farsæla framkvæmd endurkaupaáætlunar félagsins. Vonast er til að tímáætlun og útfærsla þessara breytinga liggi fyrir á næstu vikum og mun félagið í kjölfar þess kynna endurkaupaáætlunina fyrir Grindvíkingum.