Nú í marsmánuði framkvæmir Þórkatla þjónustukönnun meðal þeirra Grindvíkinga sem hafa átt í viðskiptum við félagið frá stofnun þess. Ein fyrirspurn er send á hvert heimili og reiknar Þórkatla með að svarið sé sameiginlegt fyrir viðkomandi fjölskyldu.

Framkvæmdaraðili þjónustukönnunarinnar er rannsóknarfyrirtækið Prósent og tekur heildarsvörun könnunarinnar um 5 mínútur.

Við hvetjum Grindvíkinga til að taka þátt í könnuninni en markmiðið er að kanna hug Grindvíkinga til framtíðar búsetuáforma og ánægju með þjónustu Þórkötlu við viðskiptavini.

Persónuvernd og trúnaður

Prósent lætur aldrei af hendi persónugreinanlegar upplýsingar þátttakenda nema með upplýstu samþykki. Farið verður með öll svör sem trúnaðarmál.
Nánari upplýsingar er að finna í persónuverndarstefnu Prósents.